Progres Raporti 2019: Mungesa e kopshteve sjell mos punësimin e grave

Progres raporti i vitit 2019 i Komisionit Evropian për Shqipërinë raportoi një pamjaftueshmëri të kopshteve dhe çerdheve në vendin tonë. Një vend i sigurt për përkujdesjen e fëmijeve do të sillte mundësinë që prindërit, veçanërisht gratë të punojnë.

Sipas të dhënave të INSTAT,  përsa i përket barazisë midis grave dhe burrave në punësim dhe politika sociale, hendeku gjinor në punësim është 14.3%  dhe nuk ka treguar ndonjë shenjë përmirësimi gjatë viteve të fundit. Raporti i Indeksit të Hendekut Gjinor i Forumit Ekonomik Botëror 2018 tregoi se Shqipëria është përmirësuar krahasuar me vitin 2017 (duke u renditur në vend të 34 nga 149 vende krahasuar me vendin 38 i vitit të kaluar). Gjithsesi, Shqipëria nuk ka mjaftueshëm kopshte apo vende edukimi për fëmijët e vegjël, për të mundësuar që prindërit, veçanërisht gratë të punojnë. Ndryshimet në Kodin e Punës tregonin masat që mbështesnin balancën mes punës dhe jetës për prindërit që janë në punë por nuk ka asnjë monitorim mbi implementimin/zbatimin e këtyre ndryshimeve.