Flet Veseli për kopshtet e Përrenjasit: Ende mungon faqja zyrtare

Prej disa muajsh  vazhdon implementimi i projektit rrjeti “Lëviz për kopshtin tim” në kopshtet e Librazhdit, Përrenjasit dhe Pogradecit.

Projekti  që bazohet në  monitorimet e standardeve fizike të kopshteve në këto bashki, ka qëllim të transferojë modelin e monitorimit të standardeve fizike të kopshteve nga Tirana në monitorimin e 16 kopshteve në 3 bashki të tjera: Pogradec, Sarandë dhe Delvinë, si dhe të rrisë transparencën dhe llogaridhënien e pushtetit lokal. Gjatë  zbatimit të  projektit, ekipi i shoqatës Egnatia  ka zhvilluar takime me  përfaqësues të   bashkisë,  prindër dhe me stafin drejtues të kopshtit. Në një bisedë me drejtuesen e kopshtit nr. 1 në Librazhd, znj. Dhurata Veseli, u diskutua për marrëdhëniet  e prindërve  me  stafin e kopshtit, zbatimin e rregulloreve dhe takimeve që bëhen në kuadër të  arsimimit , edukimit dhe kushteve, si edhe vendimeve  që merren në kopshte.

Znj. Veseli e ka sqaruar situatën me tej në përmjet një interviste të shkurtër, ku thekson se mungon faqja zyrtare ku mund të publikohen aktivitetet apo vendimet e ndryshme, në mënyre që të mbahen të informuar qytetarët.

 A keni krijuar  bordin e kopshtit tuaj dhe si funksion?

Po, kemi krijuar bordin e prindërve me 5 anëtarë, me prindër dhe mësues, kemi këshillin e etikës dhe sjelljes, si dhe  këshillin e prindërve, ku mbajmë dhe raportet e mbledhjeve.

Bordi është mbledhur  tre herë në vit. Ne kemi një numër të konsiderueshëm fëmijësh, saktësisht 110 fëmijë. Jemi munduar t’iu plotësojmë të gjitha kërkesat që ata kanë, si për ushqim, edukim etj. Sigurisht që duhet më shumë punë, por përpiqemi të bëjmë maksimumin.

Si mendoni, sa ndikon opinioni i prindërve (anëtarë të bordit) në vendimet që merren në kopsht?

Opinioni i prindërve  është primar në vendimet që merren në kopsht, ku kryesisht kanë ndikuar në  rregulloren e kopshtit, hartimin e buxhetit dhe zbatimin e ligjëshmërisë në institucion.

A keni  faqe  zyrtare të kopshtit ku mund të bëni publike vendimet e  bordit, dëgjesat publike etj?

Fatkeqësisht, nuk kemi faqe  zyrtare për publikimin e  vendimeve dhe aktiviteteve. Ne e kemi ngritur disa herë si çështje edhe në mbledhjet që zhvillojmë me prindërit, e kemi diskutuar por nuk është marrë akoma vendimi.

Ky shkrim u botua në kuadër të projektit “Rrjeti “Lëviz për Kopshtin tim”, mbështetur nga Lëviz Albania dhe Qeveria Suedeze.