Përrenjas, Rikonstruktohet godina e kopshtit të vitit 1968

Agim Blloshmi

Merr fund “odisea” e kërkesave pa fund të banorëve të Përrenjasit për një kopsht të ri, më së fundmi rikonstruktohet Kopshti i Përrenjasit.

Kryebashkiakja Rira realizon ëndrrën e prindërve, të vetën dhe gjithë fëmijëve të Prrenjasit. Rikonstruksionin e Kopshtit të vetëm publik, 350 fëmijë do të kenë kopësht më të mirë.

Projekti “Lëviz për kopshtin tim” është një projekt i cili zbatohet prej gati një viti nga shoqata  “Egnatia” dhe “Together for Life” që  mbështetet nga “LëvizAlbania”, projekt që kishte të bënte më monitorimin e situatës dhe nevojat që ka. Projekti ‘Lëviz për Kopshtin tim”, ju vjen në ndihmë qytetarëve dhe komunitetit.

Bashkia Përrenjas është njëra nga bashkitë e reja të krijuara me ndarjen e re territoriale të Qarkut të Elbasanit.

Në monitorimet e situatës në Kopshte rezultoj se ishte  kopshti i vetëm në këtë bashki dhe një nga kopshtet më të vjetra. Banorët, prindërit, nënat baballarët kërkonin ndërtimin e një kopshti të ri ose rikonstruksionin e tij. Kjo që nga koha e ndryshimit të proceseve demokratike, lëvizjeve demografike.

Me dhjetra premtime të politkanëve për 28 vjet, çdo qeveri dhe kryebashkiak që kandidonte  premtonte ndërtimin e kopshtit,  zgjidhjen e problemeve por askush nuk mbante premtimin.

Nga monitorimi  i bërë nga ‘Egnatia” i kopshtit  në Përrenjas, rezultoj se situata është jo shumë e kënaqëshme me shumë probleme dhe me mbipopullimin e tij. Kopshti  është ndërtuar në vitin 1958, dhë është në  gjendje të amortizuar.  Në takimin e organizuar me qytetarët dhe tryezën e rrumbullakët  që u organizua ku morën pjesë përfaqësues të Bashkisë, Zyrës Arsimore, prindër u kërkua më këmbëngulje ndryshimi i situatës në këtë kopësht.

Ishte dhe vetë drejtoresha e kopshtit Flutura Vasku ku para prindërve dhe stafit të Egnatia-s, auditorit u shpreh e shqetësuar,  gjatë  gjithë kohës së monitorimit , ekipi u prit mjaft mirë dhe na vuri në dispozicion gjithë materialet dhe nevojat që kishte kopshti.

Nga verifikimet  dhe monitorimi rezultoi një situatë shumë e vështirë, që nga viti 1958, vit që ishte ndërtuar nuk është berë asnjë ndërhyrje për përmirësimin e gjendjes së kopshtit.

Kushtet e kopshtit ishin skandaloze, tavanet të shkatërruar i gjithë shiu dhe dëbora bie brenda në  ambientet e tij. Pajisjet që duhen as që ekzistojnë, dollapë, garderoba, karriget dhe tavolinat janë të vjetëruara.

Po kështu kuzhina ka ambiente  shumë të vogla (5.40×3.40 metra), një kuzhinë që nuk plotëson asnjë standart. Krevatët të ngjeshur me njëri-tjetrin kur bëheshin gati për fjetjen e fëmijëve, më pas merren dhe stivohen në një ambient njëri mbi tjetrin për efekt të mungesës së hapsirave, gjithashtu  tualetet  janë jashtë  standartit, madje në raste shiu, pikon direkt dhe në banjot e fëmijëve, ndërkohë që edhe daljet emergjente në raste zjarri as që ekzistojnë, mbrojtëse kundra zjarrit jo. Përveç mungesës së hapësirave të nevojshme fëmijët e këtij kopshti nuk kishin tualetet  brenda standartit etj.

Kryebashkiakja  Miranda Rira  thotë se më së fundmi arrita të bëj realitet  ëndrrën e gjithë  qytetarëve të përrenjasit.

“Jam shumë e lumtur   edhe si nënë e një vajze që e dërgoja në këtë kopsht, por edhe si kryetare bashkie që fëmijët do të kenë mundësinë të mësojnë në ambiente komplet të ndryshuara. Falenderoj edhe drejtuesit e  “Egnatias”, Together For Life”, Projekti ‘Lëviz për Kopështin tim”, një projekt që i dha rezultatet e tij, sot merr fund njëherë e mirë problematika e banorëve, ndërkohë së shpejti  kemi gati dhe një projekt të ri për një kopsht tjetër për faktin se ka një  shtim të numërit të banorëve dhe është një domosdoshmëri për të ardhmen e fëmijëve tanë. Investitori i Kopështi tonë do të jetë Qeveria Kujvajtian, ku bashkia lidhi kontratën për fillimin e punimeve kontratë që u lidh nga vetë Ambasadori  i Kuvajtit  Z. Fayez M. Al- Jassim!”