A i dini hapësirat e jashtme të kopshteve ku keni fëmijët tuaj?

Ambientet e jashtme janë po aq të rëndësishëm sa dhe ambientet e brëndshme të një kopshti. Kjo sepse ndikojnë në mirërritjen e fëmijës. A kanë lodra që fëmijët të argetohen? A kanë stola që fëmijët të pushojnë? A është e sigurt ambienti nga kalimi i mjeteve, është i rrethuar nga muret ndarëse etj.

Nga studimi i kryer nga shoqata ‘Together For Life’ me mbështetjen e ‘Leviz Albania’ mbi “Monitorimi i standarteve të infarastrukturës fizike të kopshteve të Tiranës” në vitin 2017 ka rezultuar që:

1). 17% e kopshteve të monitoruara (nga të cilat 2 janë të nismës “Adopto një kopsht”) nuk kanë mure ndarëse për të kufizuar ambientet e tyre të jashtme, ashtu siç kërkohet nga Standardete Projektimit të Kopshteve.

2). 13 nga 41 kopshtet e monitoruara (nga të cilat 3 kopshte janë të nismës “Adopto një kopsht”) nuk kanë lodra në ambientet e tyre të jashtme për fëmijët. 4 kopshte të tjera (nga të cilat 2 kopshte janë të nismës “Adopto një kopsht”) kanë lodra të pamjaftueshme për numrin e fëmijëve të pranishëm në institucion.

Është e rëndësishme të theksohet se, kopshti nr. 64 “Xixëllonjat” , kopshti “Bregu i Lumit” (pjesë e nismës “Adopto një kopsht”) kanë lodra që nuk janë të përshtatshme për fëmijët në këto grupmosha, duke cenuar sigurinë e tyre.

3). 10 nga kopshtet e monitoruara nuk kanë gjelbërim dhe bimësi të shkurtër në mjediset e lojërave. 3 prej këtyre kopshteve që nuk kanë gjelbërim janë të nismës “Adopto një Kopsht”.

4). 39% e kopshteve (nga të cilat 6 kopshte janë të nismës “Adopto një kopsht”) nuk kanë stola për fëmijë në hapësirat e jashtme.

5). 11 kopshte (nga të cilat 4 kopshte janë të nismës “Adopto një kopsht”) të monitoruara nuk ofrojnë hije në mjediset e lojërave.

Raporti i monitorimit të standardeve fizike të kopshteve të Tiranës u realizua në kuadër të projektit “Lëviz për Kopshtin tim”, i cili u zbatua nga shoqata “Together for Life” dhe u mbështet nga LevizAlbania. Ky projekt mori shkas nga nevojat e ngutshme të qytetarëve të Tiranës për më tepër kopshte dhe respektim të standardeve në kopshtet ekzistuese.