Kopshti nr. 43 në Tiranë pa dalje sigurie

Nga studimi i bërë në 2017 nga shoqata Together for Life me mbështetjen e LëvizAlbania mbi monitorimin fizik të ambienteve të 43 kopshteve publike të Tiranës, në kopshtin Nr. 43 në Tiranë ka 45 fëmijë të regjistruar mbi kapacitet. Kështu sjell dhe mbingarkesën e grupeve dhe duke e bërë punën e edukatoreve më të vështirë.   Përkatësisht ndarja në grupe është e tillë: Grupi i parë ka 47 fëmijë kur kapaciteti është 15 fëmijë. Grupi i dytë ka 40 fëmijë, kapaciteti është deri në 25 fëmijë. Ndërsa në grupin e tretë ka 40 fëmijë por kapaciteti është 30 fëmijë në grup.  Grupet monitorohen nga 2 edukatore për secilin grup.

Sipas një ndarje në kushte të munguara dhe të plotësuara do të shikoni situatën e kopshtit Nr. 43 më poshtë:

Kushtet e plotësuara:

• Energji elektrike pa ndërprerje
• Ujë i rrjedhshëm pa ndërprerje
• Ngrohje dhe ftohje për temperaturë konstante
• Ujë të ngrohtë dhe të ftohtë pa ndërprerje
• Ka lodra në ambientet e jashtme për fëmijët
• Stola për fëmijë në ambientet e jashtme për të pushuar /qëndruar
• Ka sistem ndriçimi emergjence
• Dritare janë pa skara hekuri
• Sirenat e zjarrit
• Sistem detektimi i zjarrit
• Hapja e dyerve behet nga brenda – jashtë sipas standardeve

Kushtet e paplotësuara:

• Mungon depozita e ujit kur mungon furnizimi i linjës
• Kopshti nuk është i rrethuar me mure ndarëse
• Nuk ka gjenerator për ta siguruar gjithmonë ndriçimin alternativ
• Nuk ka sistem ndriçimi evakuimi
• Nuk ka dalje sigurie në holl dhe korridore
• Nuk ka sinjalistikë të daljeve të emergjencës
• Mungojnë kamerat e sigurisë
• Mungon mjeku/infermieria

Studimi “Monitorimi i standardeve të infrastukturës fizike të kopshteve të Tiranës” është  kryer në 2017 nga shoqata Together for Life me mbështetjen e LëvizAlbania