Mbikapacitet në grupet e kopshtit 51 “Tomi & Xherri” në Tiranë

Kopshti nr. 51 ”Tomi dhe Xherri” pjesë e nismës ‘Adopto një kopsht’ është ndërtuar në vitin 1970 dhe rikonstruktuar në 2016 nga Bashkia Tiranë.

Nga studimi i bërë në 2017 nga shoqata Together for Life me mbështetjen e LëvizAlbania mbi monitorimin fizik të ambienteve të 43 kopshteve publike të Tiranës, në kopshtin Nr. 51 në Tiranë ka 130 fëmijë të regjistruar mbi kapacitet. Kështu sjell dhe mbingarkesën e grupeve duke e bërë punën e edukatoreve më të vështirë. Përkatësisht ndarja në grupe është e tillë: Grupi i parë ka 54 fëmijë kur kapaciteti është 15 fëmijë. Grupi i dytë ka 49 fëmijë, kapaciteti është deri në 25 fëmijë. Ndërsa në grupin e tretë ka 88 fëmijë por kapaciteti është 30 fëmijë në grup. Numri i edukatoreve që kujdesen për grupin e parë dhe të tretë është 3 ndërsa për grupin e dytë është 2 edukatore.

Më poshtë keni të listuar kushtet e plotësuara dhe të paplotësuara për këtë kopsht.

Kushtet e plotësuara:

• Energji elektrike pa ndërprerje
• Ngrohje dhe ftohje për temperaturë konstante
• Ujë i rrjedhshëm pa ndërprerje
• Ujë të ngrohtë dhe të ftohtë pa ndërprerje
• Të rrethuara me mure ndarëse
• Ka lodra në ambientet e jashtme për fëmijët
• Ka stola për fëmijë në ambientet e jashtme për të pushuar /qëndruar
• Ka sistem ndriçimi emergjence
• Ka impiante për shuarjen e zjarrit
• Ka dalje sigurie në holl dhe korridore

Kushtet e paplotësuara:

• Nuk ka gjenerator për ta siguruar gjithmonë ndriçimin alternative
• Nuk ka sistem ndriçimi evakuimi (sinjalistika për evakuimin e ndriçuar)
• Nuk ka kontraste kromatike në dysheme për të treguar drejtimin e evakuimit
• Nuk ka sinjalistikë daljet e emergjencës
• Dritare janë me skara hekuri
• Hapja e dyerve nuk behet nga brenda – jashtë sipas standardeve
• Nuk ka tabela për shpjegimin e ngjyrave sipas nivelit të rrezikut? (E kuqe, E verdhë/ Portokalli, Bojëqielli, E gjelbër)
• Nuk ka sistem detektimi të zjarrit
• Nuk ka sirena zjarri
• Nuk ka kamera funksionale në hyrje të kopshtit

Studimi “Monitorimi i standardeve të infrastukturës fizike të kopshteve të Tiranës” është  kryer në 2017 nga shoqata Together for Life me mbështetjen e LëvizAlbania