Prania e psikologut dhe mjekut në kopshtet publike. Reagojnë prindërit!

Duke qënë se qëllimi i projektit “ Lëviz për kopshtin tim” është nxitja e lëvizjes qytetare për t’i bërë institucionet vendore më të përgjegjshme dhe më transparente ndaj qytetarëve, në postën e faqes sonë çdo ditë vijnë mesazhe mbështetëse të qytetarëve të cilët vullnetarisht në një mënyrë ose një tjetër duan t’i bashkohen nismës sonë.

Një nga çështjet e diskutuara edhe gjatë forumeve komunitare të zhvilluara me prindërit dhe drejtuesit e kopshteve, ishte dhe prezenca e psikologut dhe mjekut në kopshtet publike të Tiranës. Shumë nga prinderit u shprehën të shqetësuar lidhur me mungesën e pranisë së psikologut dhe mjekut në kopshte. Në disa raste prindërit nuk e kishin parë kurrë një mjek edhe pse sipas rregullores duhej të ishte prezent 1 herë në javë. E ndërsa punën e psikologut e shihnin si më të nëvojshme se sa 1 herë në javë.

Lidhur me këtë çështje, faqja “Lëviz për kopshtin tim”, ka ngritur disa pyetje drejtuar qytetarëve dhe përgjigjet e tyre në komente, konfirmojnë se ky aspekt vazhdon të jetë problematik në kopshtet e tiranës dhe jo vetëm.