Siguria ushqimore në shkolla, AKU mbyll dhe gjobit disa subjekte

Autoriteti Kombëtar i Ushqimit ka nisur kontrollin e të gjitha subjekteve pranë çerdheve, kopshteve dhe shkollave në vend, për të verifikuar kushtet higjenike në të cilat mbahen ushqimet me të cilat ushqehen mxënësit

Siç raporton ky insitucion, në kuadër të sigurisë ushqimore dhe monitorimit të të gjithë operatorëve të biznesit ushqimor (OBU) pranë institucioneve arsimore në vend (shkolla, kopshte, çerdhe) AKU ka kryer në rang vendi 227 inspektime.

Konkretisht, nga trupat inspektuese të AKU-së janë marrë masa administrative:

65 masa administrative me Paralajmërim, 13 masa administrative me gjobë në vlerën  1 720 000 lekë si dhe dy ndërprerje aktiviteti.

Ndërkohë gjatë inspektimeve, janë dhënë edhe këshillime ndaj subjekteve duke bërë të mundur eliminimin e problemeve që mund të konstatohen nga produktet ushqimore.