Shoqatat partnere, pjesë e rrjetit “Lëviz për kopshtin tim” nisin monitorimin e standardeve të kopshteve në rrethe

Në kuadër të projektit Rrjeti “Lëviz për kopshtin tim”, me mbështetjen e Lëviz Albania dhe me financimin nga Agjencia Zvicerane për Zhvillim dhe Bashkëpunim SDC, shoqata “Together for Life” dhe organiztat partnere Ajmmi dhe Egnatia, po kryejnë një monitorim të standardeve të infrastrukturës dhe investimeve të 16 kopshteve në bashkitë Pogradec, Sarandë dhe Delvinë.

Qëllimi i projektit është të fuqizojë/mbështesë organizatat lokale dhe të mobilizojë grupimet qytetare për të ndikuar në rritjen drejt transparencës dhe mirëqeverisjes së pushtetit lokal.

Shërbimi i kopshteve në rrethe përballet me problematika të shumta, si: mbipopullimi; shpërndarja e pabarabartë, mosrespektim i standardeve të infrastrukturës fizike, të sigurisë dhe higjienës, etj. Prandaj dhe fushat kryesore të ndërhyrjeve do të jenë pikërisht monitorimi i standardeve fizike dhe buxhetimit të kopshteve në qytetet e synuara nga projekti, për të siguruar një mejdis më të mirë për fëmijët.

Në përfundim të procesit të monitorimit do të zhvillohen dhe 2 diskutime të hapura, ku do të flitet lidhur me problematikat që hasen më së shumti në kopshtet e monitoruara dhe çfarë mund të bëhet për të krijuar një mjedis më të mirë për fëmijët. Gjithashtu në përfundim të monitorimit do të bëhet publik dhe raporti me gjetjet e nxjerra, i cili do t’ju dërgohet institucioneve përgjegjëse për mirëfunksionimin e kopshteve.