Mbingarkesë të grupeve në kopshtin Bregu i Lumit në Tiranë

Kopshti është vendi ku fëmijët kalojnë një pjesë të madhe të kohës dhe çdo prind dëshiron të dijë cilat janë kushtet e tij dhe nëse plotëson standardet apo jo. Sipas një studimi të bërë në 2017 nga shoqata Together for Life me mbështetjen e LëvizAlbania mbi monitorimin fizik të ambienteve të 43 kopshteve publike të Tiranës, në kopshtin Bregu i Lumit, pjesë e nismës “Adopto një kopsht” në Tiranë ka 90 fëmijë të regjistruar mbi kapacitet. Kjo sjellë mbingarkesë të grupeve. Grupi i parë ka 80 fëmijë kur kapaciteti është 15 dhe për ta kujdesen vetëm 2 edukatore.

Më poshtë gjeni situatën e kopshtit  sipas ndarjes kushte të plotësuara, kushte të paplotësuara:

Kushtet e plotësuara:

  • Ka energji elektrike pa ndërprerje
  • Depozitë uji kur mungon furnizimi i linjës
  • Kopshti është i rrethuar me mure ndarëse
  • Ka lodra në ambientet e jashtme për fëmijët
  • Oborri është i mbuluar me gjelbërim dhe bimë të shkurtra
  • 25% e lojërave në oborr mund të luhen në hije
  • Akses për makinat që furnizojnë kopshtin me material
  • Ka sistem ndriçimi në rast emergjence
  • Ka sistem ndriçimi evakuimi (sinjalistika për evakuimin e ndriçuar)
  • Ka kontraste kromatike në dysheme për të treguar drejtimin e evakuimit
  • Ka dalje sigurie në holl dhe korridore
  • Ka sistem detektimi i zjarrit
  • Ka impiante për shuarjen e zjarrit
  • Ka infermier & psikolog

Kushtet e paplotësuara:

  • Mungon ftohja për temperaturë konstante
  • Mungon ujë i rrjedhshëm pa ndërprerje
  • Mungon ujë i ngrohtë dhe i ftohtë pa ndërprerje
  • Mungojnë stolat për fëmijë në ambientet e jashtme për të pushuar /qëndruar
  • Nuk ka akses të karrocave të fëmijëve
  • Nuk ka gjenerator për ta siguruar gjithmonë ndriçimin alternative
  • Nuk ka sinjalistikë daljet e emergjencës
  • Dritaret janë me skara hekuri
  • Hapja e dyerve nuk bëhet nga brenda – jashtë
  • Nuk ka tabela për shpjegimin e ngjyrave sipas nivelit të rrezikut? (E kuqe, E verdhë/ Portokalli, Bojëqielli, E gjelbër)
  • Nuk ka sirena zjarri
  • Kamera nuk janë funksionale në hyrje të kopshtit
  • Mungojnë altoparlantë në korridore

Raporti i monitorimit të standardeve fizike të kopshteve të Tiranës u realizua në kuadër të projektit “Lëviz për Kopshtin tim”, i cili u zbatua nga shoqata “Together for Life” dhe u mbështet nga LevizAlbania. Ky projekt mori shkas nga nevojat e ngutshme të qytetarëve të Tiranës për më tepër kopshte dhe respektim të standardeve në kopshtet ekzistuese.

Leave a Reply

Your email address will not be published. Required fields are marked *