105 fëmijë mbi kapacitet në kopshtin nr. 14 në Tiranë

Kur dëshirojmë të regjistrojmë fëmijët në kopsht gjëja e parë që bëjmë është të interesohemi për kushtet që ai ofron. Shpesh për arsye të ndryshme prindërit bëjnë kompromise ose së bashku me stafin mundohen të përmirësojnë sado pak klasat ku kanë fëmijët e tyre. Sipas një studimi të bërë në 2017 nga shoqata “Together for Life” me mbështetjen e “LëvizAlbania” mbi monitorimin fizik të ambienteve të 43 kopshteve publike të Tiranës, në kopshtin Nr. 14 në Tiranë ka 105 fëmijë të regjistruar mbi kapacitet. Duke sjell kështu dhe mbingarkesën e grupeve dhe duke e bërë punën e edukatoreve më të vështirë. Stafi që mbulon 255 fëmijë është 10 edukatore. Sipas një ndarje në kushte të munguara dhe të plotësuara do të shikoni situatën e kopshtit Nr. 14 më poshtë:

Kushtet e plotësuara

• Energji elektrike pa ndërprerje
• Ngrohje dhe ftohje për temperaturë konstante
• Ujë i rrjedhshëm pa ndërprerje
• I rrethuar me mure ndarëse
• Stola për fëmijë në ambientet e jashtme për të pushuar /qëndruar
• Ka sistem ndriçimi emergjence
• Dritare pa skara hekuri në rast zjarri
• Sistem detektimi i zjarrit
• Impiante për shuarjen e zjarrit
• Sirenat e zjarrit
• Ka sistem detektimit të zjarrit

Kushtet e paplotësuara

• Nuk ka depozitë uji kur mungon furnizimi i linjës
• Nuk ka lodra në ambientet e jashtme për fëmijët
• Nuk ka gjenerator për ta siguruar gjithmonë ndriçimin alternative
• Nuk sistem ndriçimi evakuimi
• Nuk ka dalje sigurie në holl dhe korridore
• Hapja e dyerve nuk bëhet nga brenda – jashtë sipas standardeve
• Nuk ka kamera sigurie
• Mungon mjeku pediatër

Studimi “Monitorimi i standardeve të infrastukturës fizike të kopshteve të Tiranës” është  kryer në 2017 nga shoqata Together for Life me mbështetjen e LëvizAlbania