Mungon sistemi i detektimit të zjarrit në kopshtin Çufo

Sipas studimit të bërë në 2017 nga shoqata “Together for Life” me mbështetjen e “LëvizAlbania” mbi monitorimin fizik të ambienteve të 43 kopshteve publike të Tiranës, në kopshtin Nr. 20 “Çufo”, pjesë e nismës “Adopto një kopsht” në Tiranë ka 30 fëmijë të regjistruar mbi kapacitet. Duke sjell kështu dhe mbingarkesën e grupeve dhe duke e bërë punën e edukatoreve më të vështirë. Stafi që mbulon 150 fëmijë është 9 edukatore. Sipas një ndarje në kushte të munguara dhe të plotësuara do të shikoni situatën e kopshtit Nr. 20 më poshtë:

Kushtet e plotësuara

• Energji elektrike pa ndërprerje
• Ngrohje dhe ftohje për temperaturë konstante
• Ujë i rrjedhshëm dhe pa ndërprerje i ngrohtë dhe i ftohtë
• Depozitë uji kur mungon furnizimi i linjës
• Kopshti i rrethuar me mure ndarëse
• Ka lodra në ambientet e jashtme për fëmijët
• Ka stola për fëmijë në ambientet e jashtme për të pushuar /qëndruar
• Ka sistem ndriçimi emergjence
• Dritare janë pa skara hekuri
• Ka impiante për shuarjen e zjarrit
• Hapja e dyerve bëhet nga brenda – jashtë sipas standardeve

Kushtet e paplotësuara

• Nuk ka akses për karrocat e fëmijëve
• Nuk ka gjenerator për të siguruar ndriçimin alternativ
• Nuk ka sistem ndriçimi evakuimi
• Nuk ka dalje sigurie në holl dhe korridore
• Nuk ka sinjalistikë të daljeve të emergjencës
• Nuk ka sistem detektimi të zjarrit
• Nuk ka tabela për shpjegimin e ngjyrave sipas nivelit të rrezikut
• Mungojnë sirenat e zjarrit
• Mungojnë kamerat e sigurisë
• Mungon mjeku pediatër
• Mungon psikologu

Studimi “Monitorimi i standardeve të infrastukturës fizike të kopshteve të Tiranës” është  kryer në 2017 nga shoqata Together for Life me mbështetjen e LëvizAlbania